ބޮލީވުޑްގައި ހުރި އެންމެ ރީތި އަންހެނާ

ޢަލީ ފުއާދު

ނަން: ޑީޕިކާ ޕަޑުކޯން

އުފަންދުވަސް: 5 ޖެނުއަރީ 1986 (ޑެންމާކުގައި)

ގައުމު: އިންޑިޔާ

ކެރިޔާ: މޮޑެލް ކުރުން، އެކުޓްކުރުން

ބައްޕަގެ ނަން: ޕުރަކާޝް ޕަޑުކޯން

އިސްކޮޅު: 5 ފޫޓް 9 އިންޗި

ފުރަތަމަ ފިލްމު: އައިޝްވަރިޔާ (ކަންނާނީ ފިލްމު) 2006

ހޮބީ: މިއުޒިކް އަޑުއެހުން، ފިލްމު ބެލުން، ބާސްކެޓް ކުޅުން، ޓެނިސް ކުޅުން، ބޭސްބޯޅަ ކުޅުން

އިންޑިޔާގެ ކުރީގެ މަޝްހޫރު ބެޑުމިންޓަން ކުޅުންތެރިޔާ ޕުރަކާޝް އަދި ޓްރެވަލް އެޖެންޓަކަށް ލިބިފައިވާ 2 ކުދިން ތެރެއިން އެންމެ ދޮށީ ދަރިފުޅު ޑީޕިކާ އަކީ މި ވަގުތު ހިންދީ ފިލްމީ ދުނިޔޭގައި ހުރި އެންމެ މަޝްހޫރު އަދި އެންމެ ރީތި އަންހެން ސްޓާރެވެ. މި ދުވަސްވަރު އެންމެ ގިނަ ޑައިރެކްޓަރުންގެ ލޯތައް އަމާޒު ވެފައިވާ ސްޓާރެވެ. އެހެން ކަމުން ޑީޕިކާއަށް ވަރަށް ގިނަ ޢަދަދެއްގެ ހުށައެޅުންތައް ލިބެމުންދާ ކަމަށް މީޑިޔާއިން ޚަބަރު ލިބެއެވެ. ކެނެޑާއަށް އުފަންވި ކަމުގައިވިއަސް އުމުރުން އެންމެ 11 މަހުން ފެށިގެން އިންޑިޔާގައި ދިރިއުޅެމުން އަންނަ ޑީޕިކާ މަތީ ތަޢުލީމް ޙާޞިލް ކޮށްފައި ވަނީ އިންޑިޔާގެ ސިޓީއެއް ކަމަށްވާ ބެންގަލޫރުގެ "މައުންޓް ކާމެލް" ކޮޅެޖުންނެވެ. ފިލްމީ ދާއިރާއަށް ނުކުތުމުގެ ކުރިން، ސްކޫލް ދައުރުން ފެށިގެން މޮޑެލް ކުރުމުގެ ދާއިރާއިން ވަރަށް ގިނަ ކާމިޔާބީ ތަކެއް ޑީޕިކާ ހޯދާފައި ވެއެވެ. އެގޮތުން ޒީ ޓީވީން ހޮވާ "އެންމެ މޮޅު އަންހެން މޮޑެލް 2006" ގެ މަގާމާއި "ފުރެޝް ފޭސް(އެންމެ ރީތި މޫނު) އޮފް ދަ އިޔަރ 2006" ހޮވިފައި ވެއެވެ. ހަމަ އެހެންމެ ވަރަށް ގިނަ އިޝްތިހާރު ތަކުގައިވެސް މޮޑެލް ކޮށްފައި ވެއެވެ. އެގޮތުން ދަތް އުނގުޅާ ބޭހެއް ކަމަށްވާ މަޝްހޫރު "ކްލޯޒް އަޕް" އިޝްތިހާރު ފާހަގަ ކޮށް ލެވެއެވެ. އަދި މިނޫނަސް ތަފާތު ވައްތަރުގެ ރީތިވާން ބޭނުންވާ ސާމާނާއި ރަނާއި ޖަވާހިރު އިޝްތިހާރު ކުރުމަށް އިޝްތިހާރު ކުޅެފައި ވެއެވެ. އެންމެ ކަމުދާ އެކްޓަރުން ކަމަށް އާމިރުޚާން، ޝާހުރުކުޚާން އަދި އަމީތާބު ބަޗަން ކަމަށް ގަބޫލް ކުރާ ޑީޕިކާ ފިލްމީ ދުނިޔަށް ނުކުމެފައި ވަނީ ހިންދީ ލަވަ އަލްބަމެއް ކަމަށްވާ "އާޕް ކާ ޝުރޫރު" އެވެ. އެއަށްފަހު އައިޝްވަރިޔާ(ކަންނާނީ ފިލްމެއް)އިންނެވެ. އެހެންނަމަވެސް ޑީޕިކާ މަޝްހޫރު ވެގެން ގޮސްފައި ވަނީ ސްޕަރ ހިޓް ފިލްމު "އޯމް ސާންތި އޯ" އިން ނެވެ. ދެން އެންމެ އަވަހަށް ޑީޕިކާ ފެނިގެން ދާނީ ސެޕްޓެމްބަރ މަހު 11 ގައި ރިލީޒް ކުރުމަށް ހަމަޖެހިފައިވާ "ޕައިރޭޓްސް" އިން ނެވެ. *